ಸುಂದರೀಶತಕ -೮

ಸಂಸ್ಕೃತ ಮೂಲ 

ವಲಿಭಿರ್ಬಂಧಮಕಸ್ಮಾದುಪೇತ್ಯ ಮಧ್ಯಸ್ತನೂಭವತ್ಯಸ್ಯಾ: /

ಆನಂದೀತಿ ನಿತಂಬ: ಸಮುನ್ನತಿಂ ನಿರ್ಭರಂ ಧತ್ತೇ //

ಕನ್ನಡ ಅನುವಾದ 

     ' ಈ ಸುಂದರಿಯ ನಡುವು ಅಕಸ್ಮಾತ್ತಾಗಿ ತ್ರಿವಳಿಗಳ ಬಂಧನವನ್ನು ಪಡೆದು ಸಣ್ಣಗಾಗಿದೆ! ಅದರಿಂದ ಅವಳ ನಿತಂಬವು ಆನಂದಗೊಂಡು ಉನ್ನತಿ ಹೊಂದಿ ತುಂಬಿಕೊಂಡಿದೆ!'

    ಸುಂದರ ಹೆಣ್ಣಿನ ಹೊಟ್ಟೆಯ ಮೇಲೆ ತ್ರಿವಳಿಗಳೆಂಬ ಮೂರು ಗೆರೆಗಳಿರುವುದು ಸೌಂದರ್ಯದ ಒಂದು ಲಕ್ಷಣ. ಆ ತ್ರಿವಳಿಗಳಿಂದ ಅವಳ ನಡುವು ಅಕಸ್ಮಾತ್ತಾಗಿ ಬಂಧನಕ್ಕೊಳಗಾಗಿ ಸಣ್ಣಗಾಯಿತೆಂದೂ ಅದರಿಂದ ಅವಳ ನಿತಂಬವು ಸಂತೋಷಗೊಂಡು ಉಬ್ಬಿಕೊಂಡಿತೆಂದೂ ಸಹಜವಾಗಿರುವ ಅಂಗಾಂಗಗಳಿಗೆ ಉತ್ಪ್ರೇಕ್ಷಿತ ಕಾರಣಗಳನ್ನು ಕೊಡುತ್ತಾ ಕವಿಯು ಸುಂದರಿಯ ತ್ರಿವಳಿಗಳು, ನಡು, ನಿತಂಬಗಳನ್ನು ಸೊಗಸಾಗಿ ವರ್ಣಿಸುತ್ತಾನೆ.